ကုန်ကြမ်းယူ ကုန်ချောပေး ဆောင်ရွက်သော လက်ခစားလုပ်ငန်း (CMP)စက်ရုံ အလုပ်ရုံများတွင် တာဝန်ထမ်းဆောင်မည့်သူများအား (၈.၁၀.၂၀၂၀)မှ (၂၁.၁၀.၂၀၂၀)ထိ လုပ်ငန်းခွင် သွားရောက်ခွင့် မပြုကြောင်း ထပ်မံထုတ်ပြန်ချက်

ကျန်းမာ‌ရေးနှင့်အားကစားဝန်ကြီးဌာနမှ ကုန်ကြမ်းယူ၊ ကုန်‌ချောပေး ဆောင်ရွက်သော လက်ခစားလုပ်ငန်း(CMP)စက်ရုံ၊ အလုပ်ရုံများတွင် တာဝန်ထမ်း ဆောင်မည့်သူများအား (၈.၁၀.၂၀၂၀)မှ (၂၁.၁၀.၂၀၂၀)ထိ လုပ်ငန်းခွင် သွားရောက်ခွင့် မပြုကြောင်း ထပ်မံထုတ်ပြန်ချက် (အမိန့်အမှတ် ၁၁၃/၂၀၂၀)ကို ၂၀၂၀ ပြည့်နှစ်၊ အောက်တိုဘာလ (၅)ရက်နေ့တွင် ထုတ်ပြန်ကြော်ငြာခဲ့ပါသည်။အဆိုပါ ထုတ်ပြန်ချက် တွင် လက်ရှိအခြေအနေတွင် ရန်ကုန်တိုင်းဒေသကြီးအတွင်းတွင် COVD – 19 ရောဂါ အတည်ပြုလူနာများ ပိုမိုတွေ့ရှိခြင်း၊ COVID – 19 ရောဂါ ကူးစက်ခံထားရသော်လည်း မည့်သည့် ရောဂါလက္ခဏာကိုမျှ မပြသေးသဖြင့် ပုံမှန်အတိုင်း သွားလာလှုပ်ရှား လုပ်ကိုင်နေသူများကြောင့် ရောဂါဖြစ်ပွားမှုပျံ့နှံ့နှုန်း မြင့်မားသွားနိုင်သောကြောင့် (၂၁.၁၀.၂၀၂၀) ထိ ထပ်မံတိုးမြှင့်ခြင်းဖြစ်ကြောင်းကို ထည့်သွင်းဖော်ပြထားပါသည်။